122
iHubo · Hymn
Sisebusweni bakho
Meter: 7.6.7.6.7.6.7.6.
1.
Sisebusweni bakho, Baba, Nkosi yethu; sifun' umusa wakho ngomthandazo wethu; sizwile ukukhala kwabalahlekile: siyabathandazela, Nkosi, mabaphile.
2.
Izizwe eziningi zisebumnyameni zisendleleni embi eya ekufeni. Yiba nomusa kuzo ziphe izwi lakho; sus' ubumnyama bazo ngokukhanya kwakho.
3.
Thumel' abafundisi benamandla akho, batshel' abantu bonke izindaba zakho; umbuso wakho uze emhlabeni wonke; yandis' abantu bakho ezizweni zonke.
4.
Sheshisa isikhathi esimnandi sakho, lapho abantu bonke boba-nezwi lakho; bamazi uJehova onguMenzi wabo, bamthand' uJesu Kristu uMsindisi wabo.