149
iHubo · Hymn
Nkosi, sizo lwamandulo
Meter: 8.6.8.6.
1.
Nkosi, sizo lwamandulo themba lab' abantu, Mkhoseli, esiphepheni, khaya laphakade.
2.
Emthunzini kaSomandla bahlel' abangcwele, yanele ingalo yakho ukubakhosela.
3.
Zingakadalw' izintaba lingakadalw' izwe namanje unguJehova ongaguqukiyo.
4.
Inkulungwana yem'nyaka kuw' injengosuku, njengokucwayiza kweso iyanyamalala.
5.
Isikhathi siyedlula njengomful' ogcwele, bayakhohlwa njengephupho asebedlule la.
6.
Nkosi, sizo lwamandulo, themba laphakade, yiba-siphephelo sethu nenqaba yethu le.