170
iHubo · Hymn
Nkosi, Moya oyiNgcwele
Meter: 8.8.8.8.
1.
Nkosi, Moya oyiNgcwele, siyacela woza kithi ngomsa wakho zikhanyise zonk' izinhliziyo zethu.
2.
Phefumula phezu kwethu sibe-nakho ukulunga, sifuman' amandla kuwe, simahlule oyengayo.
3.
Thela namhla phezu kwethu zonk' izipho ezinkulu zokusilungisa lapha size sifanel' izulu.
4.
Lokho okuvela kuwe masithokozise yikho, sikuthande ngenhliziyo ezifundisiwe nguwe.
5.
Uwavul' amehlo ethu az' abon' indlela yakho, siqhubeke kahle kuyo, sijabule njalonjalo.
6.
Khona lapha emhlabeni siyakukukhonza njalo, uze usiphakamise sibe kuwe naphakade.
7.
Masimazi onguYise neNdodana kanye naye, nawe Moya oyiNgcwele oyiNkosi ngokwempela.