← Back
32
iHubo · Hymn

Phikisana o Ngikhona

Meter: 8.6.8.6.Tune: Dum.66
1.Verse 1

Phikisana o Ngikhona, nezitha zami zonk' thath' ihawu nesihlangu vuka ungisize.

2.Verse 2

Hosha umkhonto wakho, Nkos', uvimb' indlela yazo, yisho kumphefumulo wam': ngiyakusindisa.

3.Verse 3

Mazijabhe izitha zam' zihlazeke zona mazibuyiselw' emuva zijabhiswe zona.

4.Verse 4

Ingelosi kaNgikhona mayizidudule, yebo, maziwele njalo enetheni lazo.

5.Verse 5

Ngoba mina ngihlupheka ziyangisongela zingenzela amagebe kungekho 'cala kim'.

6.Verse 6

Masibhubh' isitha sami sibanjw' yinetha las', yebo, masiwele kulo ukuze sife nya.

7.Verse 7

Khona umphefumulo wam' uzobong' iNkosi, amathambo ami asho: nguban' onjengawe ?

8.Verse 8

Ngoba Wena ukhulula ohlushwayo nompof'; ngakho ngithi kuwe, Baba: nguban' onjengawe ?

9.Verse 9

Bayasukum' ofakazi abangalungile bangethwese amacala ngezint' engingazaz'.

10.Verse 10

Kanti mina ngazihlupha ngokuzil' ukudla, ngabathandazela bona lapho behlupheka.

11.Verse 11

Kepha ekuweni kwami bahlekisa mina badumaza bengayeki bangibunganyela.

12.Verse 12

Kuze kube nini, Nkosi ungibukelela? Ngikhiph' ezandleni zabo yebo, ngisindise.

13.Verse 13

Khona ngizokukubonga ebandleni lakho phakathi kwabantu, Nkosi, ngizakudumisa.

14.Verse 14

Mabangajabuli ngami abayizitha zam', mabangaqwayiz' amehlo abangizondayo.

15.Verse 15

Ngoba bangikhamisela imilomo yabo bathi: Ashila, ashila, yebo, siyabona.

16.Verse 16

Nawe uyakubona, Nkos', musa ukuthula, vuka, usukume, Nkosi umel' icala lami.

17.Verse 17

Mabethabe bajabule abathokoza ngam', mabathi izinsuku zonk': mayidunyisw' iNkos'.

18.Verse 18

Ulimi lwam' luzobonga umusa wakho, Nkos'; ngizohuba ihubo lam' ngokulunga kwakho.