← Back
33
iHubo · Hymn

Isono sikhuluma

Meter: 7.7.7.6.7.7.7.6.Tune: Dum.132
1.Verse 1

Isono sikhuluma enhliziywen' yomubi yena akamesabi uNkulunkul' oqoth'. Ngoba uyazithopha ngenkulumo yesono ngolimi lwakh' uyona kodwa akanandab'.

2.Verse 2

Umlomo wakh' uyona uyakhohlisa njalo akukho ukulunga ezenzweni zakhe. Nasembhedeni wakhe uceba okuningi uzimisela njalo ukwenza okubi.

3.Verse 3

Nkos', ububele bakho bufinyelel' phezulu nokuthembeka kwakho kufik' emafwini. Nkos', ukulunga kwakho kufana nezintaba ziyizinzul' zolwandle izinqumo zakho.

4.Verse 4

Igugu elikhulu lingububele bakho abantwana babantu bakhosela kuwe. Basutha ngamanoni endlu yakho, Jehova, Wena ubaphuzisa emfuleni wakho.

5.Verse 5

Ngokuba ukuWena umthombo wokuphila ekukhanyeni kwakho sibon' ukukhanya. Mawum' umusa wakho kubo abakwaziyo, kum' ukulunga kwakho kubo abaqotho.

6.Verse 6

Malungangifikeli unyawo loziqhenya bheka, bayawa phansi abenza okubi.