Impel' iNkosi imnene

Impel' iNkosi imnene kuIsrayel' 'sizwe sayo kubo abanenhliziyo ehlanzekile nemhlophe.

Mina izinyawo zami cishe zashelele ngawa; ngaba-nomhawu ngababi babusa bengahlupheki.

Amandla abo aqina abahlushwa njengabanye beneqholo nendluzula bayanona bechichima.

Baklolodel' ebubini, bakhuluma bephakeme emhlabeni bazigqaja bahlambalaza izulu.

Bathi: "INkosi ayazi, akanandab' uSomandla". Bheka, laba bangababi bahlala benay' imfuyo.

Mpela, ngihlanzele ize eyami-ke inhliziyo ngahlamba izandla zami engingenalo icala.

Uma ngabe ngisho njalo ngikhohlis' abantu bakho mangicabang' ngikuqonda: kwahlula amehlo ami.

Ngaze ngangena endlini engcwele yayo iNkosi, ngabone ngaqaphelisis' ukugcina kwab' ababi.

Impela, uyababeka endawen' yobushelezi ubawisa bayachithwa bashona phansi babhubha.

Uma uvuka, Nkosi yam', udelel' umfanekiso wababi; njengal' iphupho eliphela ekuseni.

Impela, ngaba-nomunyu: kwahlaba ezinsweni zam', kwahlula ukuqonda kwam', ngaba yisilwane kuwe.

Mina ngizoba ngikuwe: ngihole ngeseluleko ngize ngingene impela kuy' inkazimulo yakho.

Nginawe ezulwini, Nkos', angifuni lutho lapha; mangihlupheka ngiphele: iNkosi iyidwala lam'.

Bheka, abakude nawe nababi bayabhubha-nya, abahlubuka bephinga uyabachitha baphele.

Mina ke kungilungele ukusondela kuwe, Nkos'; ngimenz' isiphephelo sam', ngishumayel' ngoNgikhona.