55
iHubo · Hymn
Mhubeleni uJehova
Meter: 8.8.8.8.Tune: Dum.10
1.
Mhubeleni uJehova isihlabelel' esisha, ngenxa yezimangaliso ezenzwa ngesandla sakhe
2.
Isandla sakhe sokunene nengalo yakhe engcwele kumtholele ukunqoba, ukunqob' okuphelele.
3.
Emehlweni abezizwe uJehova wazisile insindiso nokulunga eziyizikhali zakhe.
4.
Wakhumbul' umusa wakhe nakh' ukuthembeka kwakhe kuy' indlu kaIsrayeli kuso sonk' isizwe sakhe.
5.
Hlokomani kuJehova ngezwi lokuhalalisa, mhubeleni uJehova ngehabhu nangecilongo.
6.
Maludume lonk' ulwandle nezinhlanzi zonke zalo, makudume wonk' umhlaba izwe nabahlala kulo.
7.
Im'ful' ayishay' ihlombe izintaba zihlokome phambi kweNkos' uJehova, ngokuba uyeza Yena.
8.
Yebo, uJehov' uyeza ukwahlulela umhlaba nazo zonk' izizwe zawo ngokulunga nangomthetho.