Ungasiphi thina, o Ngikhona
1.
Ungasiphi thina, o Ngikhona, ungasiphi thin' inkazimulo: igama lakh' uliph' inkazimulo ngenxa yomusa neqiniso lakho.
2.
Abezizwe bayakuthi ngani: "Iphi manje iNkosi yabo na?" Kepha siyazi: Wen' usezulwini wenza konke ngokokuthanda kwakho.
3.
Bazenzela izithombe zabo zesiliva noma zegolide: azikhulumi ngemilomo yazo zinaw' amehlo kepha aziboni.
4.
Zine'ndlebe kepha-ke azizwa, amakhala kodw' azihogeli, izandla zazo azinakuphatha ne'nyawo zazo azinakuhamba.
5.
Abazethemba bofana nazo. Israyeli, themba kuNgikhona, nawe, Aroni, themba kuNgikhona: Uyisihlangu sabo nal' usizo.
6.
UNgikhona usikhumbulile uyakubusis' abantu bakhe indlu kaIsrayeli noAroni, nabamesaba uyababusisa.
7.
UNgikhon' uhlezi ezulwini, thina-bantu wasinik' umhlaba abafileyo, qha, kabamdumisi thina simbonga manje naphakade.