73
iHubo · Hymn
Yizw' umkhuleko wami, Ngikhona
Meter: 10.9.10.9.Tune: iCulo 5
1.
Yizw' umkhuleko wami, Ngikhona, ungamkele ekuncengeni ungiphendule ngokwethembeka nangokulunga okukuwe.
2.
Ekwahluleni mawungangeni nami engiyinceku yakho; ngoba akekho noyedw' umuntu olungileyo phambi kwakho.
3.
Naso isitha singizingela sicindezel' impilo yami, singihlalisa ebumnyameni njengabakade babefa nya.
4.
Umoya wami uphela kimi igongobel' 'nhliziyo yami, kanti ke ngizikhumbula zonke izenzo ongenzele zona.
5.
Kuwe ngiyazelulel' izandla, o Ngikhona, mawuphendule! Mawungafihli ubuso bakho funa ngifane nabafile.
6.
Ngizwis' umusa wakh' ekuseni ngokuba ngiyethemba kuwe. Ngazis' indlela ngihambe ngayo ngenze eyakho intando, Nkos'.
7.
Ngenxa yegama lakho ngisize, uzinqume izitha zami uzibhubhise, engiyinceku ekwethembayo, o Ngikhona.